Свята Вялікдзень.
У нашай установе дашкольнай адукацыі актыўна прадаўжаецца работа по далучэнню дзяцей да гісторыі і традыцый беларускага народа, выхаванню любові і павагі да сваей малой радзімы.
24 красавіка выхаванцы групы інтэграванага навучання і выхавання сустрэлі свята Вялікдзень.
Свята святаў і ўрачыстасць урачыстасцяў- так называюць людзі Вялікдзень. Святкаванне Вялікадня - шматвяковая традыцыя. Гэтае свята ўслаўляе перамогу дабра над злом, жыцця над смерцю, святла над цемрай. Гэтае свята ўсе любяць з дзяцінства. Яно асветлена сонцам, яно цёплае, як свежы куліч, і яркае, як фарбаванкі ў кошыку. Нездарма яго называюць Светлым Уваскрэсеннем: у гэты дзень твары людзей праменяцца радасцю і любоўю да бліжніх.
У нашай установе дашкольнай адукацыі прайшлі мерапрыемствы, прысвечаныя святу Вялікадня. Дзеці пазнаёміліся з гісторыяй свята, з яго сімваламі. З вялікім задавальненнем пад кіраўніцтвам музыкальнага кіраўніка Лебедзь Алы Аляксандраўны сустрэлі свята Вялікдзень. Дзеці спявалі заклічкі, вяснянкі частушкі, вадзілі карагоды. Разам з дарослымі былі ў ролі валачобнікаў, спявалі пажаданні гаспадарам. Даведаліся, чым частавалі гасцей за святочным сталом. Гулялі ў біткі, качалі яйкі (фотаздымкі глядзі ў раздзеле "ФОТОАЛЬБОМЫ".
